JNews, Author at jff.am

Մեկ քայլ առաջ

22/09/201510/03/2022

Շատերի համար ամառը հանգստի, ամեն ինչ մոռանալու և անհոգությանը հանձնվելու ժամանակ է: 2015-ի ամառն այդպիսինը չէր: Վերադառնալով Եվրոպայից և հայտնվելով հայկական իրականության մեջ՝ հասկացա, որ նախկին կյանքիս հանդեպ ունեցած կարոտախտի չափաբաժինը պետք է կրճատել ու գործնական քայլեր ձեռնարկել: Ոգևորությունը մեծ էր: Մեծ էր նաև մեկ տարվա ընթացքում ձեռք բերած փորձը: «Էրասմուս Մունդուս» ուսանողական փոխանակման ծրագրով մեկնել էի Լեհաստան՝ Լոձի համալսարանում մեդիա և հաղորդակցություն ուսանելու:Արդյունքում դարձել էի ավելի հասուն, ավելի, այսպես ասած, մեդիա գրագետ:

Գիտեի, որ Հայաստան վերադառնալս չպետք է շարունակվեր ծով կամ ամառանոց մեկնելու ամենամյա սովորությամբ: Ուզում էի, որ Լեհաստանում ձեռք բերած գիտելիքը դրսևորվեր, տեսականից մտներ գործնական փուլ, ու ես նույնպես բարձրանայի մեկ աստիճան վերև: Պետք էր աշխատել: Միանգամից բացառեցի այն խմբագրությունը, որտեղ նախկինում աշխատել էի: Վերադառնալ այնտեղ՝ նշանակելու էր մեկ քայլ հետ կատարել: Իսկ առաջ գնալու և մասնագիտական զարգացման համար նոր հարթակ էր հարկավոր:

Եզրափակելով ամառը Վայոց ձորի ամենահրաշագեղ վայրում

22/09/201510/03/2022

Երևան, Արարատի մարզ, ևս մեկ ժամ և, վերջապես, Վայոց ձոր: Մարզ մուտք գործելուն պես զգում եմ ջերմություն և հարազատություն: Հայաստանի հարավային, լեռնային, քարքարոտ ու շոգ մարզերից մեկում` Վայոց ձորում է անցել իմ մանկությունը:

Հետաքրքիր է` մարդիկ հոգնում ու ձանձրանում են միևնույն վայրում երկար ժամանակ ապրելուց, բայց միայն հարազատ վայրերը լքելուց հետո են հասկանում, թե իրականում ինչքան կարևոր և թանկ են դրանք… Ես կանգնած եմ մի վայրում, որի յուրաքանչյուր քարը, ծառը, ճանապարհը, գյուղն ու քաղաքը մի կյանքի պատմություն են:

Մեր ընտանիքում արդեն վաղուց ավանդույթ է դարձել` որտեղ էլ հանգստանանք ու ինչպես էլ անցկացնենք մեր արձակուրդը, ամառը եզրափակում ենք Նորավանք այցելությամբ: Սա, թերևս, Վայոց ձորի ամենահրաշագեղ վայրն է: Այնքան հին է այս վանական համալիրը, որ կարծես բնության մի մասնիկը լինի:

Օրբելյան իշխանների բնակատեղին 13-րդ դարում կառուցել է Մոմիկ ճարտարապետը: Երևի սա է համալիրի արքայական դիրք ունենալու պատճառը. վանքերը թառած են բարձունքին, որտեղ հասնելու համար անհրաժեշտ է հաղթահարել լեռները ճեղքած ոլորանները:

Հայաշատ ու մտերմիկ իմ ամառը

22/09/2015

Երբ ամեն առավոտ զգում ես արևի ջերմությունը, օրն ավելի պայծառ է ու լուսավոր, զգում ես եթերային թեթևություն, երբ անընդհատ ցանկանում ես պարզապես թափառել հարազատ քաղաքիդ փողոցներով, զգալ իրիկնային զովը, նշանակում է՝ ամառը վաղուց մտել է իր իրավունքների մեջ:

Ամառն սկսվելուն պես մարդիկ փորձում են կազմել այդ երեք արագահոս ամիսներն անցկացնելու ամենահնարավոր տարբերակների ցանկը և առավելագույնս իրագործել այն: Ինձ համար, թերևս, հագեցած էր օգոստոսյան առաջին տասնօրյակը: Սա ծովափին կամ որևէ նշանակալից վայրում անցկացրած ժամանակ չէր, ոչ էլ նշանավորվեց ֆիլմերի կամ գրքերի ամառային հեղեղով:

Տասնօրյակս ավելի հայեցի էր, հայաշատ ու հայաշունչ. օգոստոսի 2-13-ը ընթանում էին Համահայկական ամառային 6-րդ խաղերը: Մրցությունը կազմակերպվում է 1999-ից՝ չորս տարին մեկ անգամ՝ համախմբելով Սփյուռքը, Հայաստանն ու Արցախը: Մասնակիցների թիվն այս տարի աննախադեպ էր՝ շուրջ 6300 մարզիկ: Ընդգրկված էին 17 անհատական և խաղային մարզաձևեր՝ բադմինթոն, բազկամարտ, գոլֆ, աթլետիկա, ֆուտբոլ, թենիս, լող և այլն: Խաղերը տեղի ունեցան ոչ միայն Երևանում, այլև Գյումրիում, Աբովյանում, Վանաձորում և Ստեփանակերտում: Համահայկական խաղերի ջահը վառվեց Շուշիում և անցավ Հայաստանի ու Սփյուռքի մի շարք քաղաքներով: Ամառային վեցերորդ խաղերը խորհրդանշական էին և ներառված էին Ցեղասպանության 100-րդ տարելիցի միջոցառումների շարքում:

Read More »Հայաշատ ու մտերմիկ իմ ամառը

Չպլանավորված ամառ կամ բարև, կենցա՛ղ

22/09/2015

Թվում էր, թե 2015-ի ամառը Շենգեն գոտի առաջին անգամ մուտք գործելով էր նշանավորվելու, բայց կենցաղավարությունն ավելի ուժեղ գտնվեց: Այս ամռան մասին նախնական պատկերացումներս խախտվեցին աննախատես հանգամանքներով, և ես, որ գրեթե երբեք ներգրավված չէի եղել տնային գործերում, եկա դրանց գլուխ:

Մայրս հոգատար կին է, ամեն ինչ տանող, չտրտնջացող, չբարդացնող: Քանի որ սովորում ենք՝ նա ինձ ու քրոջս միշտ հեռու է պահել տնային ամենօրյա հոգսերից: Բայց ստացվեց այնպես, որ ամռան սկզբում ընկավ և շատ լուրջ վնասվածքներ ստացավ: Քույրիկն աշխատում էր, ուստի, ես էի այն մեկը, ով պետք է հոգ տաներ և՛ մայրիկի, և՛ տան մասին:

Ես հայտնվեցի ռուս կինոռեժիսոր Լեոնիդ Գայդայի ”Операция «Ы» и другие приключения Шурика” եռապատում ֆիլմի գլխավոր հերոսի դերում: Շուրիկի և իմ միջև կա երկու ընդհանրություն՝ երկուսս էլ ակնոց ենք կրում և հեռու ենք կենցաղավարությունից: Եթե ընդհանրություններից առաջինն ակներև է, ապա մյուսը բացահայտվում է այս ֆիլմի երրորդ հատվածում, երբ Շուրիկը պետք է խնամեր գիշերային հերթափոխի գնացած տանտիրուհու թոռնուհուն: Ստացվեց այնպես, որ կաթը եռաց և թափվեց, մինչ նա ճաշ էր պատրաստում՝ թթխմորը նույնպես «հունից դուրս եկավ», երեխայի ձեռքերը հայտնվեցին դրա մեջ, ափսեները կոտրվեցին, կտրվեց լվացքի պարանը…

Journalists For the Future Seeking Project Manager

28/08/2015

Do you have project manager experience? Do you enjoy being part of a team? Then join us! Journalists for the Future NGO is seeking a qualified candidate for the position of project manager with knowledge of and/or interest in the fields of journalism, new media and communication. Our organization is growing and we are looking for a professional manager who wants to grow with us. This is an incredible opportunity for the right candidate.

ABOUT US:

#ElectricYerevan. Լրագրողները տուժել են իրավապահների անհամաչափ եւ ապօրինի գործողություններից

24/06/201510/03/2022

Հունիսի 23-ի վաղ առավոտյան, երբ ոստիկանության ստորաբաժանումները, բիրտ ուժ կիրառելով, ցրել են մայրաքաղաքի Բաղրամյանի պողոտայում իրականացվող՝ էլեկտրաէներգիայի թանկացման դեմ բողոքի ակցիայի մասնակիցներին, ֆիզիկական բռնության են ենթարկվել 13 լրագրող ու օպերատոր, խոչընդոտվել է տարբեր ԶԼՄ-ների մոտ 15 ներկայացուցչի օրինական մասնագիտական գործունեությունը, կոտրվել կամ վնասվել են նրանցից շատերի նկարահանող սարքերը, ոչնչացվել են տեսագրություններ ու լուսանկարներ։

Տուժած լրագրողների վկայությամբ՝ ոստիկանների հարձակումները նպատակաուղղված բնույթ էին կրում, եւ նույնիսկ ներկայանալն ու լրագրողի վկայականը ցույց տալը, կամ տեսախցիկների վրա նշված լրատվամիջոցների անունները իրենց զերծ չեն պահել բռնություններից։ Այսպես, ծեծի են ենթարկվել «ԳԱԼԱ» հեռուստաընկերության լրագրող Փայլակ Ֆահրադյանը, «Ազատություն» ռադիոկայանի լրագրողներ Սիսակ Գաբրիելյանը, Արթուր Պապյանը և օպերատոր Գարիկ Ազիբեկյանը, 1in.am-ի օպերատորներ Կարեն Չիլինգարյանը, Հովսեփ Հովսեփյանը և Գոռ Հովհաննիսյանը, Epress.am-ի օպերատոր Տիգրան Հակոբյանը, Panarmenian.net-ի թղթակից Նիկոլայ Թորոսյանը եւ ֆոտոլրագրող Կարապետ Սահակյանը, «Ասպարեզ» թերթի և «Asparez.am»-ի գլխավոր խմբագիր Լեւոն Բարսեղյանը։

Ոստիկանները բռնի ուժով խլել են «News.am»-ի եւ «iLur.am»-ի թղթակիցներ Աիդա Հովհաննիսյանի եւ Հակոբ Կարապետյանի ֆոտոխցիկները։

Digital Journalism for Eastern Europe

08/06/2015

Participants from Azerbaijan, Armenia, Belarus, Georgia, Moldova, Russia and Ukraine will acquire smart skills and deep knowledge about mobile publishing, doing online research, and internet security. This blended learning course consists of two attendance phases in Germany and one intensive e-learning module. Scholarships are available.

The Interlink Academy for International Dialog and Journalism is offering the ‘Digital Journalism for Eastern Europe’ blended-learning training program. Participating journalists from Eastern Europe are given an opportunity to update their technical skills and discuss current media ethics issues. Networking and sharing the newly gained knowledge with their colleagues back home will also play an important role in the program.

Skills taught

By participating in the program, Fellows acquire skills in the following fields:

Investigative research
Journalistic forms of presentation on the mobile internet
Technical production of web content
Filming and editing web videos
Digital security

Attendance and E-Learning

Թուրքիայի և Հայաստանի սահմանին. Արետ Բոզթաշ

03/05/201510/03/2022

Հայ և թուրք հասարակություններն ապրում են կողք կողքի. նրանց սահմանները և՛ մոտ են, և՛ հեռու: Փոխվել է թուրքը, հայն էլ նույնը չէ, սակայն փոխվե՞լ է արդյոք թշնամանքը…

24-ամյա Արետ Բոզթաշ Թովմասեանը ծնվել և մեծացել է Թուրքիայի Էլազըղ քաղաքում: Թովմասեան ազգանունը ժառանգել է պապուց` Փիլիպոս Թովմասեանից, որը հետագայում փոխել է ազգանունը՝ դառնալով Մուսթաֆա Բոզթաշ: Մինչև 18 տարեկան ապրել է Ստամբուլում և արդեն վեց տարի Հայաստանում է: Նախնական կրթություն Արետն ստացել է Թուրքիայի հայկական վարժարանում, իսկ արդեն 2009 թվականից եկել է Հայաստան, սովորում է Երևանի Կոմիտասի անվան պետական կոնսերվատորիայում:

Թուրքահայ երիտասարդը մեծ սեր ունի արվեստի նկատմամբ, տիրապետում է 10 գործիքի՝ դաշնամուր, ֆլեյտա, դուդուկ, ուդ, կիթառ, բաս կիթառ, շվի, սազ, թմբուկ և դարբուկա: Ստամբուլում մասնակցել է Կոմիտասին նվիրված համերգների, նվագել է մյուզիքլներում` հանդես գալով Թուրքիայի տարբեր քաղաքներում: Հայաստանում Արետը մատուցող է աշխատում «Բուրբոն» փաբում: Կիթառով համերգ է ունեցել այնտեղ, նաև նվագել է «Վոյցեկ» մյուզիքլում: Նաև երաժշտության նկատմամբ սերն է Արետին բերել Հայաստան: Արետն ասում է, որ Հայաստանում լինելու երկու տարիներին իրեն երբեմն զգացել է օտար միջավայրում, ասում է, որ ծաղրել են, երբ լսել են, թե ինչպես է խոսում:

Ճանաչում և դատապարտում. Հայոց ցեղասպանություն և Հոլոքոստ

29/04/201510/03/2022

«Ցեղասպանություն» տերմինի հեղինակը հրեական արմատներով իրավաբան Ռաֆայել Լեմկինն է: Լեմկինը ՄԱԿ-ի՝ Ցեղասպանություն հանցագործության կանխման և պատժման մասին կոնվենցիայի հայրն է: Համաձայն իր մշակած սահմանման՝ ցեղասպանություն են ազգային, էթնիկական, ցեղական կամ կրոնական որևէ խմբի լրիվ կամ մասնակի ոչնչացման մտադրությամբ կատարած գործողությունները:

Համաձայն ՄԱԿ-ի Կոնվենցիայի` Հայոց ցեղասպանությունը 20-րդ դարի առաջին ցեղասպանությունն է: Այն տեղի է ունեցել մեկ դար առաջ՝ 1915 թվականին: Աշխարհի շուրջ 20 պետություն պաշտոնապես ճանաչել է երիտթուրքական կառավարության ծրագրած և իրականացրած կոտորածները որպես Ցեղասպանություն: Հայոց ցեղասպանությունից հետո այսպիսի ոճիր իրագործվեց այլ ազգերի նկատմամբ ևս, մասնավորապես՝ Կամբոջայում, Ռուանդայում, Եթովպիայում: Մեծ ճանաչում ունի հրեաների հոլոքոստը, որի կազմակերպիչ Ադոլֆ Հիտլերը, արդարացնելով իր գործողությունները, ասել է. «Ո՞վ է այսօր խոսում հայերի ոչնչացման մասին»:

Փորձենք համեմատել և հակադրել մարդկության դեմ կատարած երկու մեծ հանցագործությունները՝ Հայոց ցեղասպանությունը և հրեական Հոլոքոստը: Ի՞նչ քայլեր արեցին հրեաները, որոնց շնորհիվ Հոլոքոստը ճանաչվեց և դատապարտվեց ամբողջ աշխարհում, այդ թվում՝ ոճիրն իրականացրած երկրում:

Ողբերգության ընկալում և մատուցում

Միքայելի ոգեկոչող նկարները Հոլոքոստի և Հայոց ցեղասպանության թեմաներով

24/04/2015

Հայ ժողովուրդը պետք է միասնական լինի՝ Հայոց ցեղասպանության ցավը հաղթահարելու համար: Երիտասարդ նկարիչ Միքայել Հարությունյանը համոզված է՝ միասնությունը և համախմբվածությունը մեզ համար շատ կարևոր երևույթներ են, և այս ցավը հնարավոր կլինի հաղթահարել հենց դրանց շնորհիվ:

17-ամյա նկարիչն այժմ Ցեղասպանության տարելիցին նվիրված նոր գործ է ստեղծում: Միքայելը 11 տարեկանից նկարում է, իսկ նրա եղբայրը` Նորայրը, երաժշտություն է գրում: Սկզբում Միքայելն էր նվագում, իսկ Նորայրը՝ նկարում, դրանից հետո փոխվել են «դերերը»: Երկու տղաներն էլ ինքնուս են, մասնագիտական կրթություն չեն ստացել: Երիտասարդ նկարչի գործերը տեսնելու, գնելու համար մեր երկիր են գալիս աշխարհի տարբեր ծայրերից, նույնիսկ դեպք է եղել, երբ առաջարկել են տեղափոխվել այլ երկիր:

Միքայելը ցեղասպանությունների թեմայով երկու գործ ունի: Տարեսկզբին երիտասարդ նկարիչը մասնակցեց հրեաների ցեղասպանությանը՝ Հոլոքոստի հիշատակին նվիրված իններորդ միջազգային մրցույթին և Հայաստան բերեց հաղթական դափնին: Մոսկվայում անցկացված մրցույթին հազարավորներն էին մասնակցում, բայց հենց Միքայելի նկարն էր իր յուրահատկությամբ հուզել շատերին:

Հայաստանը Միքայելի շնորհիվ առաջին անգամ էր մասնակցում այդ իրադարձությանը: Բացի նկարը ներկայացնելուց՝ Միքայելը մրցույթի մասնակիցներին պատմել է, որ հենց Հայոց ցեղասպանության ժխտումը հանգեցրեց Հոլոքոստին, և եթե Հայոց ցեղասպանությունն ընդունվեր՝ Հոլոքոստը չէր լինի:

« Previous
1
…
6
7
8
9
10
…
74
Next »