Փետրվարի 18-ի նախագահական ընտրությունները ուղեկցվեցին լրագրողների նկատմամբ կիրառված բռնություններով ու մասնագիտական գործունեությանը խոչընդոտելու միջադեպերով։ Այսպես՝ Արտաշատ քաղաքի 17/05 տեղամաս մուտք գործած մի խումբ երիտասարդներ ուժ են կիրառել «Լրագրողներ հանուն մարդու իրավունքների» ՀԿ-ի լրագրող Արտակ Համբարձումյանի նկատմամբ. մի քանի հոգի բռնել են նրա ձեռքերը ու թույլ չտալով նկարահանում կատարել՝ մի կողմ են տարել, մինչ մյուսները լցոնում էին իրականացնում։ Ավելի ուշ՝ երեկոյան 19։00-ի սահմաններում, Սերժ Սարգսյանի՝ Երեւանի Խորենացու փողոցում գտնվող նախընտրական շտաբի մոտ կանգնած մի խումբ մարդիկ նախ արգելել են «1in.am» լրատվական կայքի թղթակից Մարինե Խառատյանին եւ «Հրապարակ» օրաթերթի լրագրող Գայանե Սարիբեկյանին մտնել շտաբ, իսկ հետո՝ բռնությամբ խլել նրանց տեսա- եւ ֆոտոխցիկներն ու հայհոյանքով պահանջել, որ հեռանան։ Արձանագրվել են նաեւ սպառնալիքի եւ լրագրողական աշխատանքի խոչընդոտման այլ դեպքեր։

Այս փաստերը մեկ անգամ եւս հաստատում են, որ Հայաստանում, որպես կանոն, քաղաքական լարված իրավիճակներում սաստկանում են լրատվամիջոցների եւ լրագրողների նկատմամբ ճնշումներն ու բռնությունները։ Իշխանությունները, մասնավորապես՝ իրավապահ մարմինները, սովորաբար մատների արանքով են նայում նման միջադեպերին եւ մեղավորներին հայտնաբերելու ու պատժելու փոխարեն նման գործերը կարճելու տարօրինակ «հիմնավորումներ» են բերում։ Իսկ անպատժելիությունը նորանոր հանցանքներ է ծնում։

Read More »Նախագահական ընտրություններին լրագրողական գործունեությունը խոչընդոտվեց

Ընտրությունների լուսաբանումը շատ խնդիրներ է ստեղծում: Մեկ սխալ քայլ` և կարող է վտանգվել թե ձեր, թե ձեր լրատվամիջոցի համբավը:

Ահա մի քանի եղանակ, որոնց միջոցով կարող եք «փրկվել».

Հաղորդե՛ք փաստեր, ոչ թե երևակայություն,

Հաղորդե՛ք իրադարձություններն այնպես, ինչպես դրանք տեղի են ունեցել և ոչ թե այնպես, ինչպես դուք կցանկանայիք: Այսինքն` ամեն հարցում եղեք անկողմնակալ:

Հավասարապես ներկայացրե՛ք բոլոր թեկնածուներին: Այսինքն` մասնակցեք բոլոր թեկնածուների հանրահավաքներին: Մի՛ երանգավորեք ձեր հոդվածը գրգռիչ արտահայտություններով: Հաղորդե՛ք այն, ինչ թեկնածուներն են ասում և ոչ թե այն, ինչ շահագրգիռ կողմերն են ասում:

Քաղաքական բանավեճերի ժամանակ մի՛ անցեք որևէ թեկնածուի կողմը:Ոչ մի դեպքում ոչինչ մի՛ ընդունեք թեկնածուներից կամ նրանց աջակիցներից, նույնիսկ մի՛ երթևեկեք քաղաքական գործչի մեքենայով: Ոչ մի քաղաքական գործչի կամ այդ հարցում ներգրավված մարդկանց մի՛ խոստացեք, որ հոդվածը կամ պատմությունը կհրապարակվի:

Լուսաբանե՛ք այն, ինչ տեսնում եք’ առանց չափազանցությունների: Մի՛ օգտագործեք շռայլ լեզու մասսայական տեսարանները նկարագրելիս: Իրականացրե՛ք արդար խաղ: Եթե թեկնածուն մեղադրանք է ներկայացնում իր հակառակորդին, թույլ տվեք, որ հակառակորդն էլ իր խոսքն ասի:

Հետևե՛ք`

1. Խոստումներին

Խոստումներն այս ամենի մի մասն են կազմում. ճանապարհների կառուցում, հարկերի նվազեցում և նման բազմաթիվ խոստումներ:

Read More »Ինչպես լուսաբանել ընտրական և հետընտրական գործընթացները

Շատ լրագրողներ ցանկանում են ունենալ սեփական բլոգ, բայց կա երկու մտահոգող պատճառ. նախ, դա կարող է ժամանակատար լինել, երկրորդ, արդյո՞ք այդ ողջ աշխատանքի արդյունքը գոհացուցիչ կլինի:

Լրագրող Ջորդի Պերես Կոլոմեն թվային լրագրության ասպարեզում ունեցած իր ծառայությունների համար պարգևատրվել է «Խոսե Մանուել Պորկետի» անվան մրցանակով: Ժյուրին որոշել է, որ նրա բլոգը՝ «Օբամայի աշխարհը» (“Obama World”), միջազգային քաղաքականության վերլուծության համար դարձել է «կարևորագույն տեղեկատու»:

Ահա Պերես Կելեմեի մի քանի խորհուրդները՝ բլոգ բացելու վերաբերյալ.

Փորձ ձեռք բերե՛ք: Պերես Կոլոմեն ասում է, որ նա իր բլոգը բացել է «անհրաժեշտությունից դրդված», երբ կորցրել է իր աշխատանքը: «Աշխատանքդ կորցնելը օգնում է քեզ փնտրել այլընտրանքային ձևեր: Քո աշխատանքները հրապարակելու համար կարիք չկա թույլտվություն հարցնել կամ ունենալ սեփական լրատվական կազմակերպությունը: Այնուամենայնիվ, այս ասպարեզում ինչ որ չափով փորձ ունենալը օգտակար է»:

Read More »Obama World Blog. Վեց խորհուրդ հաջողված բլոգ ունենալու համար