Հայաստանի Հանրային ռադիոն այսուհետ հասանելի է նաեւ թվային հեռարձակմամբ, այն էլ՝ հանրապետության ողջ տարածքում: Հանրային ռադիոյի թվային հեռարձակումը մեկնարկել է մարտի 22-ից: Բնակիչներին թվային ռադիոեթերը հասանելի է թվային կցորդ պարունակող կամ օժանդակ թվային կցորդի միացված հեռուստացույցների միջոցով: Այս մասին JNews-ի հետ զրույցում ասաց Հայաստանի Հեռուստատեսային եւ ռադիոհաղորդիչ ցանցի (ՀՀՌՑ) գլխավոր տնօրեն Գրիգոր Ամալյանը:

Ռադիոալիքը որսալու համար հեռուստադիտողները պետք է ընդամենը վերակարգավորում կատարեն որոնման միջոցով, թարմացնելով թվային ալիքների ցանկը: Այդ ցանկում կավելանա նոր անուն՝ Հանրային ռադիո:

Առայժմ թվային հեռարձակմամբ հասանելի է միայն Հանրային ռադիոն: Մյուս՝ մասնավոր ռադիոընկերությունների սփռման տարածքն ու հաճախականությունը, ըստ նրանց տրված լիցենզիայի, հստակ է եւ թվային աշխարհի առումով սահմանափակ: Նրանց հեռարձակման հաճախականությունը FM-ն է, իսկ թվային հեռարձակման իրավունք՝ ռադիոկայանները առայժմ չունեն: Այդ իսկ պատճառով դեռեւս մի քանի տարի մասնավոր ռադիոկայանները չեն հայտնվի թվային հեռարձակվող հեռուստա-ռադիոալիքների ցանկում:

ՀՀՌՑ գլխավոր տնօրեն Գրիգոր Ամալյանը կարծում է, որ Հայաստանում, ինչպես եւ աշխարհի շատ երկրներում, դեռ երկար տարիներ ռադիոները FM-ից չեն վերածվի թվայինի: Հանրայինն էլ թվայնացվել է, քանի որ դրա հնարավորությունը կար: «Եթե ունենք ռեսուրս, ինչու՞ չունենանք դրանից»,-JNews.am-ի հետ զրույցում ասաց Գրիգոր Ամալյանը:

Read More »Թարմացրեք ալիքների ցանկը. Հանրային ռադիոն՝ այսուհետ նաեւ թվային հեռարձակմամբ

25-ամյա երաժիշտ Վաչե Ղարիբյանի երգերը չեն հնչում ո՛չ հեռուստատեսությամբ, ո՛չ ռադիոյով, փոխարենը դրանք մեծ ճանաչում են վայելում համացանցում: Վաչեին համացանցում ճանաչում են հատկապես երիտասարդները, բայց ոչ իր անունով, այլ “Կավիճ” անվամբ, ինչը նրա ստեղծած չորս երաժշտական նախագծերից մեկի անվանումն է:

Վաչեն ինքն իրեն երաժիշտ է համարում, երբեմն` գուցե արտիստ: Երգելը, կարելի է ասել, նրա հոբբին է, ստեղծագործում է տարբեր ոճերում, դրա համար էլ ստեղծել է «VatChe», «Կավիճ», «My darkest secret» և «Սավարշավանա» նախագծերը, որոնցից յուրաքանչյուրում  մի ոճն է արտահայտված:

Նա նաև «The Beautified Project»-ի բաս-կիթառահարն է. երգիչ-երաժիշտը ասում է, որ կարողանում է մի տեղում լինել կենտրոն, մյուսում` մասնիկ, բայց իր կարծիքով «մենակ աշխատելը «դրախտ» է: Թեպետ իրենից ավելի հմուտները կան, սակայն իր հետ աշխատելու համար պիտի իրեն ու իր ճաշակը հասկանան:

Նրա երգերը պատահական են ծնվում: «Մտքիս գալիս է առաջին նախադասությունն, ու մնացածը կախված է հանգամանքներից. եթե ինչ որ կերպ սկսել եմ, դա դեռ չի նշանակում, որ այդպես էլ պիտի շարունակեմ»: Նա երգեր ունի, որ գրել է 2014-ին, բայց հրապարակել է ամիսներ առաջ՝ համարելով դրանք  արդեն ավարտուն:

Read More »Կիթառի մի ուրիշ լարվածք. Վաչե Ղարիբյանի երգերը՝ կախված հանգամանքներից

Հայաստանի Ընտրական նոր օրենսգրքի (ԸՕ) նախագիծը, որը մինչեւ հաստատվելը դեռ պետք է քննարկման փուլ անցնի, սահմանում է նաեւ ընտրատեղամասերում դիտորդների եւ լրագրողների ներկայության կարգը: Խոսքը ԸՕ Հոդված 65 կետ 7-ի մասին է, որը, չի բացառվում, ԱԺ-ի կողմից հաստատման ժամանակ այլ բովանդակություն ունենա, սակայն այս պահին խնդրահարույց է եւ լրագրողների ու քաղաքացիական հասարակության կողմից անընդունելի: Առաջարկվող տարբերակը գործնականում պատկերացնելու համար դիտարկենք երկու իրավիճակ` մեկնաբանությունը թողնելով փորձագետներին:

Իրավիճակ 1. Լրագրողը այցելում է ընտրական տեղամաս ընտրական գործընթացին հետեւելու եւ լուսաբանելու նպատակով, սակայն տեղամասի մուտքի մոտ նրան առաջարկում են սպասել` մեջբերելով նոր ԸՕ 65 հոդվածի 7-րդ կետը, համաձայն որի՝ քվեարկության սենյակում միաժամանակ չի կարող գտնվել 8-ից ավելի տեղական դիտորդ եւ զանգվածային լրատվության միջոցի ներկայացուցիչ: Լրագրողին ցավով տեղեկացնում են, որ տեղամասում արդեն աշխատում են թվով 8 դիտորդներ եւ լրագրողներ, եւ միայն նրանցից մեկի հեռանալը տեղամասից՝ կապահովի մուտքի առջեւ հերթագրված դիտորդներից ու լրագրողներից առաջինի մուտքը տեղամաս:

Read More »Հերթդ պահի´ր, լրագրո´ղ. Ընտրական օրենսգրքի նախագծով տեղամասում լրագրողի ներկայության կարգը

«Երևանի բեսթսելեր» նախագիծն արդեն երրորդ տարին անընդմեջ մրցանակաբաշխության միջոցով ներկայացնում է Հայաստանում ամենապահանջված գրքերը: Օրերս կազմակերպվել էր նաև «Տարվա բեսթսելեր» 2016թ.
Read More »Արքմենիկ Նիկողոսյան. «Փորձում ենք գտնել յուրահատուկ լեզուներին տիրապետող թարգմանիչներ»

Եթե Գուգլի միջոցով հայերեն որոնենք «աստրոտերֆինգ» բառը, ապա կբերի ընդամենը մեկ արդյունք: Ընդամենը մեկ պարբերություն՝ ամերիկացի լրագրող, մեդիափորձագետ Դեն Գիլմորի «Մեդիակտիվ» գրքի հայերեն թարգմանությունից, որտեղ հեղինակը մի քանի նախադասությամբ անդրադառնում է աստրոտերֆինգին:

Այն, որ համացանցի հայկական տիրույթում այս տերմինը ընդամենը մեկ անգամ է գործածվել, այն էլ՝ Գիլմորի գրքի հայերեն տարբերակում, խոսում է այն մասին, որ աստրոտերֆինգը մեզանում բավարար չափով ուսումնասիրված եւ վերլուծված չէ: Բայց արի ու տես, որ այդպես աննկատ մնալով, աստրոտերֆինգը հայկական վիրտուալ իրականության մեջ գոյություն ունի շատ վաղուց:

Վերջին տարիներին Հայաստանում սկսել ենք հաճախ խոսել վիրտուալ դաշտում «ֆեյքերի» կամ կեղծ օգտատերերի գոյության  մասին` որոշ դեպքերում կիրառելով «ֆեյքերի պատերազմ», «ֆեյքերի գրոհ» տերմինները, հատկապես այն դեպքերում, երբ այս կամ այն նյութի հեղինակի կամ նյութում առկա կողմերից մեկի հասցեին օգտատերերի հայհոյանքների տարափ է լինում: Դեն Գիլմորն այս երեւույթն անվանում է  ոչ թե կեղծ օգտատերերի գրոհ, այլ՝  արհեստական հասարակական կարծիքի ձեւավորում:

Read More »Աստրոտերֆինգ. Արհեստական կարծիքի ձեւավորումը մամուլում

Լրագրողական ոլորտում գործող մի շարք հասարակական կազմակերպություններ միասնական հայտարարությամբ անդրադարձել են Ազգային ժողովում ՀՀԿ խմբակցության պատգամավոր Մհեր Սեդրակյանի մասնակցությամբ միջադեպին: Հասարակական կազմակերպությունները դատապարտել են պատգամավորի պահվածքը եւ կոչ արել ՀՀԿ ղեկավարությանը՝ Սեդրակյանին հորդորել ինքնակամ վայր դնել պատգամավորական մանդատը: 

Ներկայացնում ենք հայտարարության տեքստն՝ ամբողջությամբ:

«Փետրվարի 19-ին՝ Ազգային ժողովի արտահերթ նիստի օրը, ՀՀԿ խմբակցության պատգամավոր Մհեր Սեդրակյանը լրագրողների հետ առնչվելիս ծայրահեղ լկտի պահվածք է դրսեւորել։ Նախ՝ նա, նկատելով խորհրդարանի միջանցքում հավաքված թղթակիցներին, նրանց համար լսելի ձայնով ասել է. «էս ի՞նչ նախիր ա», այնուհետեւ՝ երբ ԶԼՄ-ների ներկայացուցիչները բացատրություն են պահանջել, պատգամավորը փորձել է անմեղ ձեւանալ, իսկ հետո սեռական բնույթի հայհոյանքներ է հնչեցրել լրագրողներից մեկի հասցեին։ Չբավարարվելով դրանով, Մհեր Սեդրակյանը փորձել է տանել նրան «առանձնազրույցի»։ 

Read More »Լրագրողական կազմակերպությունները պահանջում են Մհեր Սեդրակյանի հրաժարականը

Մեր երկրում անձնական տվյալների պաշտպանության ոլորտի կարգավորումը սաղմնային փուլում է: Հայաստանի Արդարադատության նախարարությունում վերջերս ստեղծված Անձնական տվյալների պաշտպանության գործակալության երեք հոգանոց աշխատակազմի գործունեության այս սկզբնական փուլը կարևոր է այն առումով, որ ցանկացած որոշում, օրենսդրական փոփոխության առաջարկ՝ դառնալու է նախադեպ եւ որոշիչ է լինելու տվյալների շտեմարանների մատչելիության առումով:

Արդարադատության նախարարության կողմից հայտարարված մրցույթի արդյունքում՝ Անձնական տվյալների պաշտպանության գործակալության պետի պաշտոնը վստահվել է  «Ինֆորմացիայի ազատության կենտրոն» հասարակական կազմակերպության նախագահ Շուշան Դոյդոյանին: Վերջերս լրացավ նրա պաշտոնավարման 100 օրը, ինչն էլ առիթ հանդիսացավ անդրադառնալ անձնական տվյալների պաշտպանության ոլորտի կարգավորման հարցերին:

– Տիկին Դոյդոյան, անձնական տվյալների պաշտպանության այս մեծ համակարգի մշակումը ենթադրու՞մ է արդյոք, որ այսօրվա դրությամբ հանրության համար բաց եւ հասանելի տեղեկատվական որոշ ռեսուրսներ կդառնան փակ:

Read More »Ո՞րն է գերակա. անձնական տվյալների պաշտպանություն եւ հանրային շահ

– Լիլիթ, ինչպե՞ս եք սիրում ներկայանալ՝ լրագրո՞ղ, երգչուհի՞, հեղինակ-կատարո՞ղ:

 – Լրագրող՝ արդեն միանշանակ՝ ոչ: 2012 թվականից հետո ընդհանրապես կապ չեմ ունեցել այդ ոլորտի հետ: «Ա1+» կայքի համար պրոյեկտ էի անում, հետո վերջացավ: Շատ սիրուն ամփոփվեց, կարիք չեղավ երկար մտածելու: Հետո մի քանի առաջարկ եղավ, բայց որոշեցի, որ՝ չէ: Զգում էի, որ կոնֆլիկտ կա իմ մեջ, չէի ուզում շարունակել: Լավ նոտայի վրա փակել էի այդ էջը, որոշեցի այդպես փակ էլ թողնել:

 – Սովորել եք ԵՊՀ Ռոմանագերմանական ֆակուլտետում, այսինքն՝ բանասեր եք: Ինչպե՞ս հայտնվեցիք լրագրության ոլորտում:

Read More »«Ձեզ էլ նույնն եմ մաղթում». Լիլիթ Բլեյան

Հարցազրույց «Ունիսոն» ՀԿ գործադիր տնօրեն, «Փարոս» կամերային երգչախմբի համահիմնադիր Արմեն Ալավերդյանի հետ

– Դուք մասնագիտությամբ երաժիշտ եք, «Փարոս» կամերային երգչախմբի հիմնադիրներից մեկը: Կպատմե՞ք երգչախմբի կայացման և ձեռքբերումների մասին:

Read More »«Կյանքս` բաժանված երկու մասի՝ մինչև 22 տարեկան և դրանից հետո». Արմեն Ալավերդյան

Մշակույթը  արվեստի հիմնաքարն է: Ժողովրդի դաստիարակության և կրթության գործում այն ունի անգնահատելի դեր, որ պարզապես պարտավորեցնում է նրա գոյությունը: Յուրաքանչյուրս մշակույթի մեկ մասնիկ ենք՝ ակամա կապված և խաչահյուսված նրան թելի կծիկի նման: Հայերս հաճախ մոռանում ենք մեր մշակութային արժեհամակարգի գոյության և պահպանման մասին և ճահճուտի նման լճացնում ենք այն` անգիտակացաբար բերելով գիտակից վիճակի: Մշակույթը ճահճուտից հանել է պետք և այդ գործում իրենց աննվիրական դերն են ունենում արվեստին իրապես նվիրյալ մարդիկ: Հարցազրույցս Թումանյանի խոսքով «անմահ գործ»-ի նվիրյալ, ռեժիսոր Դավիթ Մաթևոսյանի հետ է:

 – Երկրների մշակութային երկխոսությունը ի՞նչ դեր է կատարում հայկական մշակույթի գործում: Ո՞րն է «Գրական տապան» ամենամյա փառատոնի առաքելությունն այդ գործում:

Read More »Ճահճացման եզրին. Դավիթ Մաթևոսյան